مــوضوعي اليوم …. عن برنامج من اروع البرامج الهادفه الحقيقيه

بــرنامج

((((جـسر الخير))))

يعرض يومياا في شهر رمضان

على قناة الكويت

الساعه 9ونص مساءا

بتوقيت الكويت والمملكه العربيه السعوديه

وبمـصر 8 ونص

وبالإمارات 10 ونص

———–

نكمّل موضوع حديثناا

تقدرون تقولون انه الوقت اللي اتابع في التلفزيون في شهر رمضان هو ساعه فقط

وهو مده عرض هالبرنامج

لانه يستحق المتابعه

برنامج يسلط الضوء

على  قضايا انسانيه يعاني منها

من يعيش على هذة الأرض الكويتيه

سواء كان كويتي او غير كويتي

اشخاص وعائلات وابناء واطفال ونساء

يعيشون حياة بائسه مسكينه

وهنالك الاسر المتعففه التي

تعيش حياة صعبه نظراا لعدم توافر المادة بين يديهاا

سواء اكانوا يعانون من امراض صعبه  تحتاج الى علاج مكلف او السفر الى الخارج ولكن لايستطتيعون تحمل مصارف ذلك

 

واصبحت حياتهم مهدده بالعجز الكامل لعدم العلاج

او الموت

 

 

برنااامج انساني رائـع

جزى الله العاملين على هذا البرنامج كل خير

بصـراحه اناا انصدمت

لأنه ماكنت اتوقع في ناس جذي بالكويت

يعني الحمد الله احنا ديرة خير وعز

بس الواحد يحز بخاطرة هالمناظر

يعني الطفل لي شاف اللي بعمرة لابسين وداشين المدرسه واهلم مودينهم

 

شنو يقول بداخله

 

مو يلعن اليوم اللي انولد فيه

ويكرة نفسه والعيشه الي اهو عايشه

يعني تشوف طفل صغير بالجمعيات والاسواق  اهله دازينه يبيع عطور مادري شلون خالطينهاا

او كلينكس  او اللي برة المدارس

قاعدين يبيعون دفاتر واقلام  اي ادري مو كويتين

بس همن هالمنظر صعب والله العظيم

مو هذا خطر عليهم

هذاا اللي يسبب انحرافهم وبتالي اذيتنا احناا

يعني اهما اللي تلقاهم اللي يتجهون لـ الطريق الخطأ

السرقه ,مخدرات,قتل…إلخ

لانه عاش حياة صعبه

راح تقولون اي موكويتين بدون

همن ولوو

هذا انسان يحس وعنده مشاعر

كل واحد يحط نفسه بمكانهم

تخيلواا وهالموقف اكيد الكل مر فيه

انت قاعد بالسايرة وكاشخ اخر موديل ومعلي التكييف ع الاخر

وغيرك

بين الاشارات يفرفر بعلب الكلينكس

ولاا اذا كان طفل صغير

هالشي يزيد القلب حسرة

بس هالشي مو بيدناا بيد الحكومه الموقرة

نـــرجع لــ برنامج جسر الخير

وهوو لأهل الخير في هذة الارض الطيبه

دفعني كتابه هالموضوع

هو الخبر اللي سمعته من المذيع المتألق

ساير العنزي

وانه تم اغلاق رقم الحساب وخدمه التبرع عن طريق الموبايل

وهالشي صار رغبه من وزير الاعلام والهيئه العامه لشؤون الاجتماعيه والعمل

ابي افهم

اهوو شفيه البرنامج عشان ينقطع التبرع عن هالناس المحتاجه

 

والتبرع يتم فقط عن طريق الذهاب لـ اللجنات الخيريه ولجنه صندوق اعانة المرضى

 

البرنامج نجح

وحقق في العشر الأيام الاوائل

فوق الـ 20 الف دينار

هذا غير التبرعات العينيه الاخرى

وغير قيام بعض الأشخاص بتكفل بـ بعض الحالات الصعبه التي تم عرضهاا

الحين احناا تطورناا

كل شي بالموبايل والكمبيوتر

يعني اذا بدز تبرعاتي على رقم حساب اللجنه

على طول بشبك النت وبدخل على صفحه البنك الي فيه حسابي وبدزلهم

يعني لا اروح ولا اجي وهالشي اريح

ممكن الواحد وراه شغل دوام التزامات

ليش تخلون الواحد ممكن انه الوقت ياخذة ومايقدر يتبرع لـ هالاشخاص اللي لولا الحاجه ماطلعوا قدام الملايين

ليش تمنعوناا من انه نرسل مسج وهالطريقه الاسهل والأبسط

الحين حتى الأطفال الصغار صاروا يجمعون رصيدهم عشان لي طلع برنامج جسر الخير يرسلون مسج بدينار ويسعدون فيه طفل بعمرهم وبسنهم محتاج لـ هالدينار

انا كلش مو لاقيه سبب مقنع عشان يتوقف التبرعات

زين وقفواا اتصالات البرنامج اللي بعده مال حليمه ولويس

وقفواا البرامج الثانيه على الرائ الكويتيه اللي تعتمد على المراسله

وكلهاا سخيفه

ليش اذا اي دوله صابها ضرر

حطينا برامج وارقام حسابات شغاله والتلفونات بعد شغاله حق التبرع

زين هذولي بديرتناا

عايشين بيناا

احتموا بهالارض الطيبة

يبون مساعده اهلهاا

اللي يدعونلهم كل لحظه ودقيقه

ولا لانه برناامج جسر الخير

والمبلغ الي بيحصلونه بيروح لناس محتاجه

ملفاات اللجان متروسه نااس صج محتااجه

الحالات اللي قاعده تنعرض

تقطع القلب

نهائي ماتخيلت هالحياة اللي اهما عايشينهاا

غرفه فيها 8 اشخاص

الاب طالع بالتلفزيون يبجي

تخيّلوا رجال يبجي لانه مو قادر يوّنس عياله

ويفرحهم ويدخل عليهم بيوم حامل بايده شي من الاطفال يحبونه

مو قادر يطلعهم وكل ماطلبوا شي

يرفض

حتى عياله كرهوة

مساكين اطفال صغار مايدرون انه ابوهم مو قادر يصرف جيبه فاظي

يقول انا استحي لي احد من عيالي طلب مني شي

ولا الحلقة الاولى لطفل محمد

وهوو اصيب بعين

والله يكفينا شر عيون الناس اللي ماتهد احد

ادت الي تساقط اطراف يده

اصبع ولا الأخر

وهو عمرة لم يتجاوز الـ 10 سنوات

وفي نهاية الحلقه سالوه شنو تتمنى

قال اتمنى ان تكون لي يد

   

الدنياا متروسه من هالنوع

وهالشي مو بس بالكويت بكل ديرة

والله يجزيكم خير

ساعدوهم

تخيلواا تكون انت سبب في رسم ابتسامه على شفاة طفل

او لمعه فرح في عين مريض والمحتاج

البرنامج مهما اقول هو والنعم البرامج الهادفه الانسانيه

 

 

أخر امنياتي

اتمنى ان يتم تصميم صفحات على الانترنت لــ متابعه الحالات اللي يتم عرضهاا

واتمنى ايضاا ان يتم عرض البرنامج طول العام

وليس في رمضان فقط

كـَتبت الموضوع بقلب صادق

اختكم:- النهاية الخالدة

 

 

 

 

 

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج